Кишварҳои Созмони Ҳамкориҳои Шанхай (СҲШ) харитаи роҳро барои ҳавасмандгардонии ҳамкориҳои саноатӣ таҳия намуда, инчунин то соли 2030 анҷумани сармоягузорони кишварҳои узви ин созмонро таъсис медиҳанд. Дар ин бора муовини вазири саноат ва технологияҳои нави Тоҷикистон Назар Азиз Савзалӣ хабар дод.
«Сарони давлатҳо дар назди мо то соли 2030 вазифаҳои зерин гузоштанд, аз ҷумла таҳияи харитаи роҳ оид ба татбиқи барномаи ҳавасмандгардонии ҳамкориҳои саноатӣ байни доираҳои тиҷоратии кишварҳои узви СҲШ», — гуфт ӯ дар иҷлосияи «Ҳамкории саноатии кишварҳои узви СҲШ дар замони чолишҳои ҷаҳонӣ» дар намоишгоҳи «Иннопром-2023», ки дар Екатеринбург ҷараён дорад.
Муовини вазир қайд кард, ки дар қатори вазифаҳо «таъсиси ассотсиатсияи сармоягузорони кишварҳои узви СҲШ» низ ҳаст. Ба гуфтаи ӯ, чунин самтҳои фаъолият барои вазоратҳои дахлдор дар паи ҷаласаи Шӯрои сарони кишварҳои узви СҲШ, ки рӯзи 4 июл дар формати видео баргузор шуд, таъсис дода шуданд.
Назар Азиз Савзалӣ ҳамчунин афзуд, ки дар Тоҷикистон барои рушди фазои сармоягузорӣ шароит фароҳам мешавад ва давлат омода аст аз ибтикори кишварҳои узви Созмони ҳамкориҳои Шонгҳой дар мавриди тарҳҳои мутақобилан судманд ҳимоят кунад.
Хабар медихад ТАСС.
Акс: аз манбаъҳои кушода
