Як марди корддор ба як кӯдакистон дар музофоти Гуандуни Чин ҳамла карда, дастикам шаш нафарро кушта ва як нафарро маҷрӯҳ кардааст. Дар ин бора рӯзи 10 июл ширкати телевизионии Би-би-сӣ бо такя ба ниҳодҳои интизомӣ хабар дод.
Ба гуфтаи сухангӯи маъмурияти маҳаллӣ, дар миёни қурбониён се калонсолон ва се кӯдак низ ҳастанд.
Ҳодиса соати 07:40 ба вақти маҳаллӣ (02:40 ба вақти Маскав) рух додааст. Як гумонбари 25-сола пас аз 20 дақиқа боздошт шуд.
Пулис бовар дорад, ки ҳамла қасдан сурат гирифтааст.
Акс: аз манбаъҳои кушода
