Таърихӣ ва маъруфтарин макони Бохтар — «курган» аст, ки дар маркази шаҳр ҷойгир аст ва қарор аст, ки бозсозӣ шавад.
Дар ин мавзеъ, ки соли 1999 бозсозӣ ва ба ифтихори 1100-солагии Давлати Сомониён мавриди баҳрабардорӣ қарор гирифт, то ба наздикӣ осорхонаи кишваршиносии «Бибихонум»-и шаҳри Бохтар ҷойгир буд.
Ба гуфтаи масъулон, чанд пажӯҳишгоҳи лоиҳакашӣ, аз ҷумла ҶСК «Шахрофари Душанбе» тарҳҳои намунавии «теппаи Қӯрғон»-ро омода кардаанд.
Тибқи лоиҳа бояд дар болои теппае, ки масоҳати 2,5 гектарро ташкил медиҳад, амфитеатр дорои ҳазор ҷойи нишаст, чойхонаи миллӣ ва фаввораҳо бунёд карда шавад.
Лоиха бо назардошти он тартиб дода мешавад, ки ин чо то хол чои таърихй мебошад.
«Ин иншоот пас аз таҷдид ба як нишони шаҳри Бохтар ва минтақаи ҷануби кишвар табдил ёфта, таваҷҷӯҳи сайёҳони зиёдеро низ ба худ ҷалб карда, ба макони фароғатии сокинону меҳмонони шаҳр табдил меёбад», — кайд кард сардори вилоят.
Ёдовар мешавем, ки пайдоиши «теппаи Қӯрғон» ба асрҳои I-II мансуб аст, ки ин мӯъҷизаи табиат нест, онро дастӣ сохтаанд. Дар он қасри подшоҳони водии Вахш ва дар асрҳои 19-20 қалъаи Беки Қӯрғонтеппа воқеъ буд.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Акс: аз манбаъҳои кушода
