Мақомоти 33 кишвари Амрикои Ҷанубӣ ва ҳавзаи Кариб Иттиҳодияи Аврупоро маҷбур карданд, ки даъвати раисиҷумҳури Украина Владимир Зеленскийро ба саммити муштараки худ бо ИА бозпас гирад, менависад портали Euractiv бо такя ба як манбаъ.
Тавре интизор мерафт, сарони давлатҳо ва ҳукуматҳои 33 кишвари Ҷомеъаи кишварҳои Амрикои Лотинӣ ва ҳавзаи Кариб (CELAC) рӯзҳои 17-18 июл барои ширкат дар нишаст бо ҳамтоёни худ аз ИА ба Брюссел меоянд.
Портал қайд мекунад, ки дар аввал дипломатҳои Иттиҳодияи Аврупо тарҳи эъломияи ниҳоии нишастро омода карда буданд, ки дар он аз пуштибонӣ аз Украина ёдрас шуда буд, аммо кишварҳои Амрикои Ҷанубӣ ба Брюссел «пешниҳоди муқобил» фиристода, ҳама чизи марбут ба Киевро аз тарҳ комилан хориҷ карданд.
Зеленский аллакай аз Испания даъватнома ба ин нишаст гирифта буд, аммо пас аз эътирози раҳбарони Амрикои Лотинӣ он бояд лағв шавад, гуфта мешавад дар гузориш.
Дар баробари ин, аъзои CELAC «ғайриинтизор» аз аврупоиҳо хостаанд, ки «ҷуброни зиёни ғуломӣ» пардохт кунанд, ки эҳтимолан ба як масъалаи баҳсбарангез табдил ёбад.
Акс: аз манбаъҳои кушода
