Бино ба маълумоти Сарраёсати маорифи шаҳри Душанбе, дар нимсолаи аввали соли 2023 сатҳи ҷинояткорӣ миёни ноболиғон дар шаҳри Душанбе коҳиш ёфтааст.
Дар 6 моҳи соли ҷорӣ тибқи омор, мизони ҷинояткорӣ миёни ноболиғон дар шаҳри Душанбе нисбат ба соли гузашта 26 далел ё худ 44,8% коҳиш ёфтааст.
Ба шарофати гузаронидани корҳои фаҳмондадиҳӣ байни ноболиғон ва татбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» нишондиҳандаҳои мусбат ба даст оварда шуданд.
Аз аввали сол то инҷониб дар шаҳри Душанбе 386 вохӯрӣ бо иштироки 84 ҳазору 920 нафар падару модарон, омӯзгорон ва хонандагон баргузор гардид.
Дар ин бора ба АМИТ «Ховар» бо истинод ба Сарраёсати маориф хабар медиҳад.
Акс: аз манбаъҳои кушода
