Сарвазири Ҷумҳурии Тоҷикистон Қоҳир Расулзода рӯзи 30-юми июн ба деҳаи Миденведи ноҳияи Роштқалъа сафар карда, бо рафти корҳои бартарафсозии оқибатҳои офати табиӣ ошно шуд. Сарвазири кишвар ба роҳбарони вазорату кумитаҳо ва мақомоти иҷроияи ҳокимияти давлатии шаҳру навоҳии вилоят дастур дод, ки то фарорасии сармо барои оилаҳои осебдида шароити зарурӣ фароҳам оварда, онҳоро бо манзил таъмин намоянд. Гайр аз ин, мачрои дарьёи Шохдара харчи зудтар кушода шавад, то ки дар оянда барои сокинони поёноб хавфе наорад.
Тайи чанд рӯз дар деҳаи Миденведи ҷамоати деҳоти Барвози ноҳияи Роштқалъа бар асари боло рафтани ҳарорат ва обшавии пирях сел омада, маҷрои дарёи Шохдараро банд кард ва мисли Барсем. кишлоки райони Шугнон обанбори сунъй ба вучуд овард.
Дар натиҷа роҳи мошингарди 2,5 километр ва чанд бинои истиқоматӣ низ зери об монданд. Баланд шудани сатҳи об дар ин ҳавзи сунъӣ ҳоло ба 32 манзили атрофи он низ таҳдид мекунад. Аз ин рӯ, тибқи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин 32 оила ба ҷои амн кӯчонида шуданд.
Сокинони деҳаи Миденведи ҷамоати деҳоти Барвози ноҳияи Роштқалъа бо хӯроки гарм се вақт таъмин гардида, шароити муътадили зиндагӣ фароҳам оварда шудааст, ки ҳар яки онҳо барои дастгирии доимӣ ба Сарвари давлат изҳори сипос мекунанд.
Дар ин бора ба АМИТ «Ховар» хабар медидад.
АКС: АМИТ «Ховар»
