Барои сохтмони технопарк дар ноҳияи Панҷ 3 гектар замин ҷудо карда шудааст ва аллакай соли 2026 ваъда дода мешавад, ки онро ба истифода медиҳанд.
Инчунин бояд 13 сехи корхонаҳои саноатӣ сохта шаванд.
Дар айни замон дар як гектар замини технопарк сохтмони 7 корхона, аз ҷумла истеҳсоли макарон, орд, коркарди чормағз ва писта гузаронида мешавад.
Зиёда аз 280 нафар сокинони маҳаллӣ баъди ба истифода додани технопарк бо кори доимӣ ва мавсимӣ ва маоши арзанда таъмин карда мешаванд.
Дар маҷмӯъ, барои истиқболи 35-солагии Истиқлолияти Давлатии Ҷумҳурии Тоҷикистон дар ноҳияи Панҷ сохтмони 232 иншооти таъиноти гуногун, аз ҷумла 18 устохона, цех ва корхонаҳои саноатӣ ба нақша гирифта шудааст.
АМИТ «Ховар»бо истинод ба мақомоти Иҷроияи ҳокимияти давлатии ноҳияи Панҷ хабар медиҳад.
Акс: Мақомоти Иҷроияи ҳокимияти давлатии ноҳияи Панҷ
