Маросими супоридани сертификатҳо аз рӯи натиҷаҳои аккредитатсияи байналмилалии барномаҳо 20 июн дар донишгоҳи Миллии Тоҷикистон баргузор гардид. Шаҳодатномаҳо дар бораи гузаштани расмиети бақайдгирии байналмилалӣ барои 10 ихтисос ректори донишгоҳи миллии Тоҷикистон профессор Кобилҷон Хушвахтзода аз ҷониби Директори Генералии агентии мустақили аккредитатсия ва рейтинг Алина Ҷумагулова дода шудааст.
Ин дастоварди муҳими донишгоҳи Миллии Тоҷикистон на танҳо натиҷаи меҳнати софдилонаи тамоми кормандони донишгоҳ, балки намунаи олии банақшагирии стратегии раесати ин муассисаи таълимӣ мебошад.
Эътирофи барномаҳои таълимии донишгоҳҳои Минтақаи Осиеи Марказӣ дар арсаи байналмилалӣ яке аз тамоюлҳои рушди таҳсилоти муосир мебошад, зеро ин на танҳо мақоми ҳар як донишгоҳро баланд мебардорад ва онро ба сатҳи сифатан нав мебарад, балки ба эътирофи таъсири он дар арсаи байналмилалӣ мусоидат мекунад.
Едовар мешавем, ки 10 барномаи таълимии кластерҳои ҳуқуқӣ, тиббӣ ва табиӣ аз ҷониби донишгоҳи Миллии Тоҷикистон барои бақайдгирӣ ба агентии мустақили аккредитатсия ва рейтинг (Қазоқистон) пешниҳод гардидааст.
Дар ин бора ба АМИТ «Ховар» бо истинод ба донишгоҳ хабар медиҳад.
Акс: Донишгоҳи Миллии Тоҷикистон
