Ба муносибати 22-солагии таъсиси созмони Ҳамкории Шанхай, 20 июн дар Пекин маросими супоридани сертификатҳо дар Бораи додани унвони фахрии «Сафири иродаи неки созмони ҳамкории Шанхай» баргузор шуд.
Дабири кулли созмони Ҳамкории Шанхай шаҳодатномаи додани унвони фахрии «Сафири иродаи неки созмони ҳамкории Шанхай» ва нишони Созмонро ба ноиби президенти кумитаи миллии олимпии Ҷумҳурии Тоҷикистон, қаҳрамони олимпӣ Дилшод Назаров ва Раиси Академияи санъат, рассоми Халқии Узбекистон Акмал Нуриддинов супорид.
Тибқи муқаррароти дар ҷаласаи шӯрои сарони давлатҳои аъзои СҲШ дар Самарқанд дар Соли 2022 тасдиқшуда дар Бораи унвони фахрии «Сафири иродаи неки созмони Ҳамкории Шанхай», номзадҳои пешниҳодшуда аз Ҷониби Шӯрои ҳамоҳангсозони миллӣ мувофиқа карда шуда, дар ҷаласаи Шӯрои вазирони корҳои хориҷии кишварҳои узви Созмони Ҳамкории Шанхай тасдиқ карда шуданд. Намояндагони зерин ба гурӯҳи аввали сафирони иродаи нек дохил шуданд: у Вэйсин (Ҷумҳурии Халқии Чин), Михаил Швыдкой (Федератсияи Русия), Дилшод Назаров (Ҷумҳурии Тоҷикистон), Акмал Нуриддинов (Ҷумҳурии Узбекистон).
НИАТ «Ховар» бо истинод ба котиботи Созмон хабар медиҳад.
Акс: Котиботи созмони Ҳамкории Шанхай
