Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Муҳтарам Эмомалӣ Раҳмон ва муовини раиси ҳукумати Русия Марат Ҳуснуллин масъалаҳои ҳамкорӣ дар соҳаҳои саноатӣ, аграрӣ ва энергетикиро баррасӣ намуданд. Дар ин бора хадамоти матбуотии сарвари давлат хабар дод.
«Ҷонибҳо зимни суҳбат доираи васеи масъалаҳои муносибатҳои тоҷикистону русияро дар самтҳои гуногуни иқтисодиет ва савдо, хусусан дар соҳаҳои саноат, аз ҷумла саноати сабук ва хӯрокворӣ, инчунин энергетика, комплекси агросаноатӣ, ҳамкориҳои байни минтақаҳо ва сайеҳӣ баррасӣ намуданд», — дар паем гуфта шудааст.
Татбиқи лоиҳаҳои сармоягузорӣ дар иқтисодиети миллии ҷумҳурӣ ҳамчун самти ояндадори муносибатҳои дуҷониба арзебӣ карда шуд. Тибқи иттилои хадамоти матбуотӣ, ҳамсӯҳбатон ба масъалаҳои ҳамкории муҳоҷират, аз ҷумла таҳкими ҳифзи ҳуқуқӣ ва иҷтимоии муҳоҷирони меҳнатӣ, инчунин ҳифз ва густариши фазои умумии маънавию фарҳангии халқҳои ду кишвар таваҷҷуҳи муносиб зоҳир намуданд. Ҳамчунин ҷонибҳо зарурати идомаи талошҳоро, ки ба татбиқи созишномаҳои қаблан бадастомада оид ба густариши ҷанбаҳои тиҷоратию иқтисодӣ ва фарҳангию гуманитарии ҳамкории ду кишвар равона шудаанд, таъкид намуданд.
Муовини сарвазири русия ба Душанбе ҳамчун ҳамраиси комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Федератсияи Русия омад, ки ҷаласаи он имрӯз 20 июн дар Душанбе баргузор мешавад. Пештар ин комиссияро муовини сарвазири Русия Алексей Оверчук роҳбарӣ мекард.
АКС: аз манбаъҳои кушода
