Озмоишгоҳи муосири озмоиши сутунҳо ва таҳкурсии биноҳо ва иншоот дар шаҳру ноҳияҳои ҷумҳурӣ дар Душанбе кушода шуд.
Дар маросими ифтитоҳи он муовини сарвазири Ҷумҳурии Тоҷикистон Усмоналӣ Усмонзода, Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода ва намояндагони дигар идораҳо ва сохторҳои сохтмон ва меъморӣ иштирок намуданд.
Озмоишгоҳ барои таъмини иҷрои дастуру супоришҳои асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Муҳтарам Эмомалӣ Раҳмон таъсис дода шудааст дар мӯҳлати муқарраршуда ва бо мақсади баҳодиҳии риояи меъеру қоидаҳои шаҳрсозӣ, регламентҳои техникии сифати технологии корҳои сохтмонӣ, масолеҳ ва маснуоти сохтмонӣ, инчунин дигар санадҳои қонунгузории шаҳрсозӣ дар биноҳо ва иншооти сохташаванда бо мақсади таъмини муқовимати зилзилавии биноҳо ва иншоот барои санҷиши мавод ва асосҳои биноҳо ва иншоот дар шаҳру ноҳияҳои ҷумҳурӣ.
Санҷиши сутунҳо дар майдони сохтмон тибқи талабот, тартиб, меъерҳо ва қоидаҳои сохтмон амалӣ карда мешавад. Мақсади асосии санҷиш муайян кардани қобилияти борбардории сутунҳо мебошад, ки пас аз санҷиш бо натиҷаи ҳисобкунии конструктивӣ муқоиса карда мешавад.
Санҷиши сутунҳои оҳани бетонӣ бо ерии таҷҳизоти махсуси муосир, яъне балкаҳои металлӣ, домкратҳо, насоси гидравликӣ, манометр, таҷҳизот барои муайян кардани деформатсия (прогибомер) ва ғайра амалӣ карда мешавад.
АМИТ «Ховар» бо истинод ба Кумитаи меъморӣ ва сохтмони назди Ҳукумати ҶТ хабар медиҳад.
АКС: аз манбаъҳои кушода
