Парвиз Тагоев — корманди хадамоти Гумруки назди Ҳукумати Ҷумҳурии Тоҷикистон ғолиби озмуни байналмилалии «беҳтарин мутахассиси Иттиҳоди Давлатҳои Мустақил дар соли 2023» дар категорияи хизматчии давлатӣ ва мақомоти ҳифзи ҳуқуқ гардид ва бо дипломи дараҷаи 1, нишони сина ва шаҳодатнома сарфароз гардид.
Гуфта мешавад, ки озмун бо номи «беҳтарин мутахассиси Иттиҳоди Давлатҳои Мустақил-2023» бо ташаббуси Вазорати маориф ва илми Ҷумҳурии Қазоқистон дар якҷоягӣ бо Ассотсиатсияи «ҳаракати Умумихалқии Бобек» барои муайян кардани беҳтарин мутахассисон ва хизматчиени байни кишварҳои Иттиҳоди Давлатҳои Мустақил аз рӯи 21 номинатсия гузаронида шуд.
Дар натиҷаи озмун Парвиз Тагаев беҳтарин хизматчии давлатӣ ва кормандони мақомоти ҳифзи ҳуқуқ эътироф шуд.
АмиТ «Ховар» бо истинод ба маркази матбуотии хадамоти Гумруки назди Ҳукумати ҶТ хабар медиҳад.
Акс: Хадамоти Гумруки назди Ҳукумати Ҷумҳурии Тоҷикистон
