Дар доираи сафари давлатии Амири Давлати Қатар Шайх Тамим ибни Ҳамад Ал Тани ба Ҷумҳурии Тоҷикистон, 8 июн дар Душанбе Байни ҳукумати Ҷумҳурии Тоҷикистон ва ҳукумати давлати Қатар дар бораи ҳамкорӣ дар соҳаи сайеҳӣ ва чорабиниҳои тиҷоратӣ Еддошт ба имзо расид, хабар медиҳад Кумитаи рушди сайеҳии назди Ҳукумати ҷумҳурии тоҷикистон.
Ҳадафи асосии имзои ҳуҷҷат ба роҳ мондан ва густариши ҳамкорӣ дар соҳаи сайеҳӣ ва чорабиниҳои тиҷоратӣ мебошад, хабар медиҳад манбаъ.
Ҳамчунин зикр гардид, ки ҳамкории тарафҳо дар доираи ин санад дар асоси принсипҳои баробарӣ ва манфиати мутақобилан судманд дар асоси қонунгузории миллии давлатҳои худ амалӣ гардида, татбиқи он ба манфиати мардуми ҳар ду давлат ва ба хотири некӯаҳволии онҳо ва рушди робитаҳо байни ширкатҳои сайеҳии ҳар ду ҷониб мақсаднок мебошад.
Татбиқи ин санад табодули сайеҳон байни ширкатҳои сайеҳии ҳар ду ҷониб, ҷалби сайеҳони Давлати Қатар ба Ҷумҳурии Тоҷикистон ва дар маҷмӯъ рушди соҳаи сайеҳии кишварро таъмин менамояд.
Ин, дар навбати худ, имкон медиҳад, ки ҳаҷми тиҷорати мутақобила, сармоягузорӣ ба рушди инфрасохтори сайеҳӣ ва ба сатҳи сифатан нав баровардани ҳамкории мутақобила зиед карда шавад.
АКС: аз манбаъҳои кушода
