Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Муҳтарам Эмомалӣ Раҳмон 12 июн дар Қасри миллат Президенти бонки Осиеии рушд Ҷаноби Масацугу Асакаваро қабул карданд.
Дар мулоқот вазъи кунунӣ ва дурнамои ҳамкорӣ миени Тоҷикистон ва бонки Осиеии рушд баррасӣ шуд.
Президенти мамлакат Муҳтарам Эмомалӣ Раҳмон аз сатҳи ҳамкории Тоҷикистон ва бонки Осиеии рушд дар 25 соли шарикӣ, аз ҷумла маблағгузории 180 лоиҳа дар соҳаҳои мухталифи кишварамон ба маблағи беш аз 2,5 миллиард доллари ИМА изҳори қаноатмандӣ намуданд.
Ҷаноби Масацугу Асакава имкониятҳои назарраси Тоҷикистонро дар истеҳсол ва содироти энергияи тоза ва барқароршаванда ва дар ин замина рушди «иқтисоди сабз» қайд намуда, дастгирии бонки Осиеии рушди ташаббусҳо ва саҳми Тоҷикистонро дар рӯзномаи ҷаҳонии иқлим тасдиқ намуд.
Ҳамчунин, зимни мулоқот ҷонибҳо доир ба доираи васеи масъалаҳои ҳамкорӣ, идомаи татбиқи ислоҳоти иқтисодӣ ва дигаргуниҳо табодули афкор намуданд.
Самтҳои мубрами ҳамкорӣ байни Тоҷикистон ва бонки Осиеии рушд-рушди бахши энергетика ва масъалаҳои тағйиребии иқлим
Бо сабаби вазъияти мураккаби ҷаҳони муосир ва афзоиши оқибатҳои он, андешидани чораҳои муштарак оид ба пешгирӣ ва коҳиш додани таъсири хавфҳо ва омилҳои манфӣ ба иқтисоди миллӣ зарур дониста шуд.
Дар вохӯрӣ масъалаҳои дигари мавриди таваҷҷӯҳи тарафайн низ баррасӣ шуданд.
Дар ин бора ба АМИТ «Ховар» хабар медидад.
АКС: аз манбаъҳои кушода
