Номзад ба мақоми президентии Иёлоти Муттаҳида аз Ҳизби ҷумҳурихоҳ Никки Ҳейли гуфт, ки ИМА бояд бо Русия иттифоқ баст. Дар ин бора Associated Press менависад.
Ба гуфтаи оҷонсӣ, Ҳейлӣ онро дар чаҳорчӯби сӯҳбат дар бораи таҳкими амнияти ҷаҳонӣ матраҳ кардааст.
«Шумо мебинед, ки Арабистони Саудӣ бо Чин муомила мекунад ва ин барои мо хуб нест. Мо бояд онҳо бо мо бошанд ва аз ин рӯ, мо бояд бо дигарон – Русия, Австралия, Ҷопон, Исроил муттаҳид шавем», — гуфт вай дар мусохиба бо мухбири WMUR-TV.
Дуруст аст, ки баъдтар котиби матбуотии ситоди пешазинтихоботии сиёсатмадор Кен Фарнасо ба Ассошиэйтед Пресс гуфт, ки Ҳейли бо зикри Русия дар феҳристи кишварҳои иттиҳод «нодуруст ҳарф зад».
«Вай ошкоро хато кард. Ҳеҷ кас нисбат ба Русия аз Никки Ҳейли сахттар набуд», — гуфт у.
АКС: аз манбаъҳои кушода
