Сафири Тоҷикистон дар Русия Давлатшоҳ Гулмаҳмадзода ва раиси Доғистон Сергей Меликов дар мавриди густариши ҳамкориҳои байниминтақавӣ дар бахшҳои тиҷоративу иқтисодӣ ва омӯзишӣ ба мувофиқа расиданд. Ҷонибҳо дурнамои таъсиси корхонаҳои муштарак ва баргузории чорабиниҳои муштараки варзиширо баррасӣ карданд.
«Мо ба таҳкими робитаҳои тиҷоратию иқтисодӣ, аз ҷумла бо соҳибкорони Доғистон таъсиси корхонаҳои муштарак манфиатдорем. Соли гузашта муомилоти мол миёни ду кишвар ба 700 миллион доллар расид», — гуфт сафир хангоми сафари корй дар Догистон.
Ҷонибҳо дар баробари табодули коло, ҳамчунин доир ба ҳамкорӣ дар соҳаи маориф ба мувофиқа расиданд. “Муҳимтарин масъала ин маориф аст. Ман хеле миннатдорам, ки шумораи зиёди донишҷӯёни кишвари мо дар донишгоҳҳои гуногуни Русия таҳсил мекунанд. Дар маҷмӯъ, беш аз 30 ҳазор нафар, аз ҷумла дар Донишгоҳи давлатии Доғистон таҳсил мекунанд», – афзуд сафир.
ТАСС хабар медихад.
АКС: аз манбаъҳои кушода
