1 июн бахшида ба Рӯзи байналмилалии ҳифзи кӯдакон дар “Боғи кӯдаконаи” пойтахт, соати 18:00 барномаи бошукӯҳи фарҳангию фароғатӣ таҳти унвони «Кӯдакон – ҷаҳони мо ҳастанд!».
Ҳамчунин, дар ҷараёни барномаи фарҳангию фароғатӣ намоиши маҳсули эҷодиёти кӯдакону наврасони муассисаҳои таҳсилоти иловагии навоҳии пойтахт ва дигар бозиҳои ҷолиб барои кӯдакон ба намоиш гузошта мешаванд. Дар рафти чорабинӣ ғолибон ва иштирокчиёни фаъоли мусобиқаҳои интеллектуалӣ, маърифатӣ ва варзишӣ диплом, ифтихорнома ва туҳфаҳои хотиравӣ қадрдонӣ карда мешаванд.
Гуфта мешавад, ки бахшида ба Рӯзи байналмилалии ҳифзи кӯдакон дар муассисаҳои томактабии шаҳри Душанбе барномаҳои таълимӣ ва тарбиявӣ ташкил карда мешаванд.
Дар хотир доред, ки ҳамасола 1 июн дар ҷаҳон Рӯзи байналмилалии ҳифзи кӯдакон таҷлил мешавад. Ин яке аз муҳимтарин ҷашнҳои байналмилалӣ мебошад, ки аз соли 1925 дар конфронси байналмилалӣ оид ба беҳтар кардани зиндагии кӯдакон дар Женева (Швейтсария) ташкил карда мешавад.
Дар ин бора АМИТ «Ховар» бо такя ба сардори Раёсати фарҳанги Мақомоти иҷроияи ҳокимияти давлатии шаҳри Душанбе Нуралӣ Шоҳиён хабар дод.
