Ҷумҳурии Африқои Марказӣ манфиатдор аст, ки пойгоҳи низомии Русияро дар қаламрави худ ҷойгир кунад. Сафири Республикаи Африкаи Марказй дар Москва Леон Додону-Пунагаза дар сухбат бо мухбири газетаи «Известия» чунин гуфт.
Вай изҳор дошт, ки «ҳоло мо ба пойгоҳи низомии Русия ниёз дорем, ки дар он метавонад аз 5 то 10 ҳазор сарбоз бошад.»
Ба гуфтаи дипломат, ҳузури инструкторони низомии Русия дар Ҷумҳурии Африқои Марказӣ тавоноии ҷангии артиши ҷумҳуриро тақвият додааст.
Дар ҳамин ҳол, ӯ афзуд, ки таҳдидҳои амниятӣ боқӣ монда, дар ин замина ҳамкориҳои низомиву фаннӣ бо Русияро идома додан лозим аст.
Дар моҳи июни соли 2022 сарвазири Ҷумҳурии Африқои Марказӣ Феликс Молуа гуфта буд, ки ҳамкорӣ бо Русия ягона роҳи мубориза бо террористон аст.
Дар поёни соли 2020 Русия бо дархости раҳбарияти Ҷумҳурии Африқои Марказӣ 300 нафар инструктори низомиро барои омӯзиши артиш ба ин кишвар фиристод.
АКС: аз манбаъҳои кушода
