Рӯзи 1-уми июн дар Боғи фарҳангу фароғати «Наврӯзгоҳ»-и маркази маъмурии вилояти Суғд бахшида ба Рӯзи байналмилалии ҳифзи кӯдакон чорабинии идона доир мегардад.
Дар чорабинии идона тарбиятгирандагони муассисаҳои иҷтимоии вилоят, кӯдакони ятим, ғолибони олимпиадаву озмунҳо, Академияи илмҳои хурд ва кӯдакони хушбахти даврони истиқлолият ширкат меварзанд.
Дар баробари ин дар ҷашнвора озмунҳои гуногун ташкил карда шуда, қаҳрамонони афсонаҳо шодии кӯдаконро шарик мекунанд.
Чорабинии идона соати 08:00 оғоз шуда, сокинон ва меҳмонони Хуҷанд метавонанд бо фарзандони худ дар он ширкат кунанд.
Дар ин бора АМИТ «Ховар» бо истинод ба Хадамоти матбуоти раиси вилояти Суғд хабар медиҳад.
Акс: Хадамоти матбуоти раиси вилояти Суғд
