Овозхони маъруфи канадагӣ Селин Дион ба иллати бемории марговар чанд консерти худро дар Аврупо лағв кард. Дар ин бора сомонаи расмии овозхон хабар додааст.
Дар сайт инчунин паёми Селин Дион ба мухлисон оварда шудааст. Дар он сароянда аз ҳодисаи рухдода изҳори таассуф карда ва ҳамчунин гуфтааст, ки фурсати дубора ба саҳна баргаштанро интизор аст.
«Ман хеле пушаймонам, ки бори дигар ҳамаи шуморо ноумед кардам. Ман барои барқарор кардани қувваи худ сахт меҳнат мекунам, аммо гастроль ҳатто вақте ки шумо 100% солим ҳастед, хеле душвор буда метавонад. Ин нисбат ба шумо инсоф нест ва дили маро мешиканад, аммо беҳтар аст, ки мо ҳама чизро ҳоло бекор кунем – то он даме, ки ман воқеан омодаам, ки дубора ба саҳна баргардам», — гуфт дар сайт.
Лағви намоишҳо ба консертҳо дар Амстердам, Париж, Антверпен, Копенҳаген, Осло, Стокҳолм, Ҳелсинки, Прага, Сюрих, Будапешт, Лондон ва дигар шаҳрҳои Аврупо таъсир расонд. Дар ин сурат тамоми пули билет ба харидорон баргардонда мешавад.
Ёдовар мешавем, ки дар авоили соли 2022 ба Селин Дион гирифтори бемории камёби табобатнашаванда – синдроми сахтии мушакҳо ташхис шуда буд. Тибқи омор, ин беморӣ дар як миллион нафар рух медиҳад. Дар беморони гирифтори ин ҳолат фишори ғайриихтиёрии мушакҳо ва қобилияти ҳаракат кардан эҳсос мешавад. То имрӯз, беморӣ табобатнашаванда ҳисобида мешавад.
АКС: аз манбаъҳои кушода
