Шаҳрвандони Гурҷистон ва наздикони онҳо ба рафту омади озод ва низоми бидуни раводид бо Русия ниёз доранд, гуфт сарвазири Гурҷистон Ираклий Гарибашвилӣ дар мулоқот бо намояндагони диаспораи гурҷӣ, ки аз кишварҳои мухталиф ба Тифлис омадаанд.
Гарибашвилӣ қайд кард, ки барқарории парвозҳои мустақим бо Русия ба сиёсат рабте надорад.
Вай афзуд, ҳамарӯза ҳазорон мошин аз марзи заминии Гурҷистону Русия, аз ҷумла мошинҳои боркаш убур мекунанд. Дар ин замина интиқод аз оғози парвозҳои мустақим бо Русия ҷоиз нест.
Қаблан Владимир Путин, раиси ҷумҳури Русия, ифтитоҳи иртиботи ҳавоӣ бо Гурҷистон ва лағви раводид барои шаҳрвандони ин кишварро пешниҳод ва тасмими шахсии ӯ гуфта буд. Раҳбари Русия тавзеҳ дод, ки мехоҳад соҳибкорон ва шаҳрвандонеро, ки Гурҷистонро дӯст медоранд, дастгирӣ кунад.
АКС: аз манбаъҳои кушода
