Осорхонаи миллии Тоҷикистон ва Осорхонаи давлатии таърихи сиёсии Русия дар якҷоягӣ нахустин намоишгоҳро бахшида ба 80-умин солгарди аз фашизм озод кардани Ленинград баргузор мекунанд. Дар шаҳри Санкт-Петербурги Федератсияи Русия созишномаи дахлдор оид ба ҳамкорӣ байни муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон ва «Осорхонаи давлатии таърихи сиёсии Русия» ба имзо расид. .
Намоишгоҳ дар аввали соли оянда ба нақша гирифта шудааст. Барои омодасозии намоишгоҳ кормандони Осорхонаи миллии Тоҷикистон дар шаҳри Санкт-Петербург қарор доранд.
Илова бар ин, дар созишнома таҳкими робитаҳои фарҳангӣ, табодули таҷрибаи осорхонаҳо, тармим ва барқарорсозии экспонатҳои нодир, таҳия ва нашри феҳристи ёдгориҳо пешбинӣ шудааст. Музейҳо инчунин дар бораи ташкил ва гузаронидани намоишҳои муваққатӣ, омода кардани мутахассисон дар соҳаи барқарорсозӣ ва консерватсионӣ ва дигар соҳаҳои фаъолияти осорхонаҳо розӣ шуданд. Гуфта мешавад, ки ин санадро директори Осорхонаи миллии Тоҷикистон Зафаршо Иброҳимзода ва иҷрокунандаи вазифаи директори Осорхонаи таърихи сиёсии Русия Елена Лисенко имзо кардаанд.
Дар ин бора ба АМИТ «Ховар» бо истинод ба Осорхонаи миллии Тоҷикистон хабар медиҳад.
Акс: Осорхонаи миллии Тоҷикистон
