Ба таваҷҷуҳи кулли тоҷикистониён, ба таваҷҷӯҳи шумо мерасонем, ки аз 1-уми июн то 31-уми августи соли ҷорӣ аз соати 10:00 то 19:00 дар роҳи «Душанбе-Чанак» дар ҳаракати воситаҳои нақлиёт маҳдудият ҷорӣ карда мешавад.
Маҳдудиятҳо ба хотири бозсозии аксари қитъаҳои шоҳроҳи «Душанбе-Чанак» ҷорӣ шудаанд.
Маҳдудиятҳо ба мошинҳои вазнин, ки ҳар як меҳвари ҳаракаткунандаи онҳо на бештар аз 6 тонна пешбинӣ шудааст, дахл дорад.
Ин иқдом дар асоси талаботи Қарори Ҳукумати Ҷумҳурии Тоҷикистон «Дар бораи ҷорӣ намудани маҳдудиятҳои мавсимӣ барои ҳаракати воситаҳои нақлиёт дар роҳҳои истифодаи умум» амалӣ гардида, барои ҳифзи роҳ аз вайроншавии бармаҳал, таъмини бехатарии пассажирон ва ронандагон, инчунин воситахои наклиёт.
Қайд карда мешавад, ки чунин иқдом на танҳо дар Ҷумҳурии Тоҷикистон, балки дар аксари кишварҳои ҷаҳон андешида шуда, натиҷаҳои хуб дод.
Дар ин бора АМИТ «Ховар» бо истинод ба ширкати «Инновейтив Роуд Солюшнз ЛТД» дар Ҷумҳурии Тоҷикистон хабар дод.
Сурат: «Инноватив Роуд Солюшнз ЛТД» дар Ҷумҳурии Тоҷикистон
