Тоҷикистон ба таҳкими ҳамкориҳо бо кишварҳои Иттиҳоди иқтисодии АвруОсиё (ИИАО) ва нозирон дар ин иттиҳодияи ҳамгироӣ манфиатдор аст. Дар ин бора рӯзи панҷшанбе Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар ҷаласаи васеи Шӯрои олии иқтисодии Авруосиё изҳори назар карданд.
«Кишварҳои узв ва нозирони Иттиҳоди иқтисодии АвруОсиё шарикони анъанавии Тоҷикистон мебошанд. Мо манфиатдорем, ки ҳамкориҳои дуҷониба бо кишварҳои шумо дар тамоми соҳаҳои мавриди таваҷҷӯҳи тарафайн пайваста таҳким ёбад», — гуфт у.
Тавре Эмомалӣ Раҳмон қайд кард, ҳиссаи кишварҳои узви ИИАО дар гардиши савдои хориҷии Тоҷикистон дар соли 2022 аз 40 фоиз гузашт.
«Ҳаҷми умумии муомилоти мол устувор ва сол то сол меафзояд, ҳиссаи кишварҳои иттиҳод дар гардиши савдои хориҷии Тоҷикистон дар охири соли гузашта беш аз 42 фоизро ташкил дод» — гуфт раисиҷумҳури.
Ба гуфти у, республика кариб нисфи хачми умумии махсулоти истехсолшударо ба мамлакатхои итти-фок мефиристад. «Мо омода ҳастем, ки содироти молҳои худ ба кишварҳои ИДМ, бахусус металлҳои ранга, нодир ва қиматбаҳо, нассоҷӣ, пахта, сабзавоту меваҷотро боз ҳам афзун гардонем», — афзуд роҳбари давлат.
