Рӯзи чаҳоршанбе сафири Русия дар Тоҷикистон Семён Григорьев ба Вазорати корҳои хориҷии Тоҷикистон даъват шуда, дар робита ба иттилоъ дар бораи боздоштҳои дастаҷамъии шаҳрвандони Тоҷикистон дар Русия изҳори нигаронии Душанберо ба ӯ расониданд. Дар ин бора рӯзи чаҳоршанбе Вазорати корҳои хориҷии ҷумҳурӣ дар канали Telegram хабар дод.
«24 майи соли 2023 дар Вазорати корҳои хориҷӣ мулоқот бо Сафири Фавқулода ва Мухтори Федератсияи Русия дар Ҷумҳурии Тоҷикистон Семён Вячеславович Григорьев баргузор гардид. Дар вохӯрӣ Сафир ба нигаронии ҷониби Тоҷикистон аз маълумоти воридшуда дар бораи боздоштҳои оммавии шаҳрвандони Ҷумҳурии Тоҷикистон бо баҳонаҳои гуногун дар қаламрави Федератсияи Русия расонида шуд», — кайд карда мешавад дар хабар.
Бино ба иттилои Вазорати корҳои хориҷӣ, «зарурияти вокуниши муштарак ба мушкилоти мавҷуда ва пайдошавандаи муҳоҷират, инчунин аҳамияти андешидани амалҳои ҳамоҳангшуда дар таҳияи чораҳои имконпазири муштарак оид ба масъалаҳои муҳоҷират қайд карда шуд.»
АКС: аз манбаъҳои кушода
