Си Ҷинпин дар рӯзи ниҳоии нишасти «Чин — Осиёи Марказӣ» бо раҳбарони Қазоқистон, Қирғизистон, Тоҷикистон, Туркманистон ва Узбакистон дар мизи гирд дидору гуфтугӯ кард. Раисиҷумҳури Чин бо сухани асосӣ ба онҳо муроҷиат кард. Вай гуфт, ки тайи даҳ соли ахир талошҳои муштарак муяссар шудааст, ки равобити Чин бо кишварҳои Осиёи Марказӣ ба сатҳи нав барорад.
Империяи Осмон тасмим гирифтааст, ки ҳамкориҳои ҳамаҷонибаро бо кишварҳои минтақа амиқтар намуда, ҳаҷми ҳамлу нақли борҳои наздимарзӣ дар ин самтро афзоиш диҳад. Бо ин мақсад Пекин механизмҳои муколамаро дар бахшҳои саноат, кишоварзӣ, нақлиёт, маориф, сармоягузорӣ, ҳолатҳои изтирорӣ ва кори ҳизбӣ таҳия хоҳад кард. Чин ҳамчунин қасд дорад расмиёти гумрукии маҳсулоти кишоварзиро дар ҳама гузаргоҳҳои марзӣ бо кишварҳои Осиёи Марказӣ содда кунад.
Си Ҷинпин дар Сиан бо раисиҷумҳури Тоҷикистон Эмомалӣ Раҳмон мулоқот кард. Зимни мулоқот сарвари Чин аз меҳмони олиқадр даъват кард, ки шарикии ҳамаҷонибаи стратегиро амиқтар намуда, дар масъалаҳои истиқлолияти миллӣ, тамомияти арзӣ, истиқлолият ва амният ҳамдигарро дастгирӣ кунанд. Раисиҷумҳури Чин ҳамчунин пешниҳод кард, ки ҳамкориҳо дар бахшҳои тиҷорат, кишоварзӣ ва иҷрои тарҳҳои бузурги байналмилалӣ густариш ёбад.
АКС: аз манбаъҳои кушода
