Русия омодааст, ҳаҷми интиқоли маҳсулоти саноати металлургӣ, чӯбкорӣ, саноати кимиё ва кишоварзӣ ва воситаҳои нақлиётро ба Тоҷикистон афзоиш диҳад. Дар ин бора рӯзи панҷшанбе дар канали Telegram муовини нахуствазир Марат Хуснуллин хабар дод.
«Дар семоҳаи якуми соли 2023 низ динамикаи мусбати савдои мутақобила идома ёфт. Ва мо барои афзоиши он имкониятхои калон мебинем. Мо тайёрем, ки молхои хочагии кишлок, чубу тахтакоркунй, металлургия, автомобиль, саноати химияро зиёд кунем.», — вай дар паи натоиҷи мулоқот бо нахуствазири Тоҷикистон дар чаҳорчӯби Анҷумани байналмилалии иқтисодии «Русия-Ҷаҳони Ислом: ҚазонФорум-2023» навиштааст. Кохир Расулзода.
Хуснуллин қайд кард, ки дар соли 2022 гардиши мол миёни Русия ва Тоҷикистон ба 1,4 миллиард доллар расид, ки нисбат ба соли 2021 18% бештар буда, рекорди 20 соли охир мебошад. Дар ҳамин ҳол, содирот аз Русия тақрибан 20% афзуда, ба 1,3 миллиард доллар ва воридоти Русия 4% афзуда, ба 103,3 миллион доллар расид.
Рӯзҳои 18-20 май дар МБЭ Қазон Экспо Форуми XIV байналмилалии иқтисодии «Русия – ҷаҳони ислом: KazanForum-2023» баргузор мешавад. Дар назар аст, ки дар чорабиниҳои форум беш аз 7 ҳазор нафар аз 85 кишвари ҷаҳон ва 84 минтақаи Федератсияи Русия ширкат кунанд. Дар доираи форум дар маҷмӯъ ҳудуди 200 чорабинӣ баргузор гардида, имзои камаш 100 созишнома дар назар аст.
