Имрӯз, 18 май, Си Ҷинпин, раиси ҷумҳури Чин бо Эмомалӣ Раҳмон, раиси ҷумҳури Тоҷикистон, ки барои ширкат дар ҳамоиши Чин-Осиёи Марказӣ ва бо як сафари давлатӣ вориди Чин шудааст, дар шаҳри Сиани музофоти Шэнси, шимолу ғарби Чин, дидору гуфтугӯ кард.
Си Ҷинпин Эмомалӣ Раҳмонро, ки барои анҷоми нишаст ва сафари давлатӣ дар Чин қарор дорад, самимона истиқбол кард ва гуфт, ки аз мулоқот бо дӯсти дерина дар Сиан хушҳол аст.
Ба шарофати талошҳои Чину Тоҷикистон, аз замони барқарории муносибатҳои дипломатӣ миёни онҳо, равобити дуҷониба аз ҳамсоягии нек ва дӯстӣ ба шарикии стратегӣ ва сипас ба шарикии ҳамаҷонибаи стратегӣ ҷаҳиш кард, гуфт Си Ҷинпин. Эмомалӣ Раҳмон дар як сафари давлатӣ ба Тоҷикистон дар соли 2019 дар бораи таъсиси Ҷомеъаи Рушд ва Амнияти Чину Тоҷикистон эълом кард, ки дар чаҳор соли ахир ба пешрафтҳои умедбахш ноил шудааст.
Си Ҷинпин таъкид кард, ки равобити Чину Тоҷикистон решаҳои амиқи таърихӣ, заминаи мустаҳками сиёсӣ, муҳтавои ғании ҳамкорӣ ва дастгирии густурдаи ҷомеа доранд.
АКС: аз манбаъҳои кушода
