Шаби 17 ба 18 майи соли 2023 дар ҷумҳурӣ ҳавои ноустувор пешгӯӣ шуда, дар баъзе ҷойҳо боридани борони шадид ва жола дар назар аст. Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо такя ба маълумоти Агентии обуҳавошиносии кишвар.
Инчунин дар ин рӯзҳо дар ноҳияҳои кӯҳӣ ва доманакӯҳҳои кишвар, ба истиснои ВМКБ, дар рӯдхонаҳое, ки аз нишебиҳои ҷанубии қаторкӯҳҳои Ҳисор, Ёхсу ва Қизилсу (ҷануб) ҷорӣ мешаванд, якбора боло рафтани сатҳи об пешбинӣ шудааст. Дар роҳҳои кӯҳии ҷумҳурӣ хатари фаромадани сел, ярч, фаромадани тарма ва сангрезиҳо зиёд аст.
Дар робита ба ин, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон борҳо ба сокинону меҳмонони кишвар муроҷиат намуда, тавсия медиҳад, ки дар ин рӯзҳо аз рафтан ба обанборҳо, хатсайрҳои сайёҳӣ ва сайругаштҳои кӯҳӣ даст кашанд.
АКС: аз манбаъҳои кушода
