Русия динамикаи мусбати вазъи баҳсбарангези атрофи марзи Қирғизистону Тоҷикистонро бо қаноатмандӣ қайд мекунад ва Маскав ҷонибдори ҳалли ҳарчи зудтари баҳс аст. Дар ин бора рӯзи сешанбе муовини вазири хориҷаи Русия Михаил Галузин дар конфронси III-уми Осиёи Марказӣ дар Клуби мубоҳисавии байналмилалии «Валдай» изҳор дошт.
«Маскав пайваста ҷонибдори ҳалли ҳарчи зудтари баҳси марзӣ миёни Қирғизистону Тоҷикистон мебошад ва мо динамикаи мусбати ин равандро бо қаноатмандӣ қайд мекунем», — гуфт у.
Дипломат афзуд, ки Федератсияи Русия ва СПАД «кафилҳои амниятии ғайриалтернативӣ»-и минтақаи Осиёи Марказӣ мебошанд, ки унсурҳои асосии он пойгоҳҳои низомии Русия дар Тоҷикистон ва Қирғизистон мебошанд.
АКС: аз манбаъҳои кушода
