Вазири хориҷаи Арабистони Саудӣ Файсал бин Фарҳон Оли Сауд ва вазири умури хориҷаи Эрон Ҳусейн Амир Абдуллоҳиён равобити ду кишварро баррасӣ карданд.
Дар ин бора РИА Новости бо такя ба вазорати корҳои хориҷии Арабистони Саудӣ хабар медиҳад.
Зимнан зикр мегардад, ки Абдуллоҳиён ба вазири умури хориҷии Арабистони Саудӣ занг зада, зимни як сӯҳбати телефонӣ ҷонибҳо равобити дуҷониба ва роҳҳои рушди он дар соҳаҳои гуногунро баррасӣ кардаанд.
Ҳамзамон вазирон роҷеъ ба иқдомоти навбатии ба эътидол овардани равобити ду кишварро баррасӣ карданд.
Қаблан раиси ҷумҳури Эрон аз шоҳи Арабистони Саудӣ даъват карда буд, ки ба Теҳрон сафар кунад.
АКС: аз манбаъҳои кушода
