Рӯзи 16 май дар Китобхонаи миллии Тоҷикистон Форуми байналмилалии ҷавонон бахшида ба Моҳи ҷавонон ва Рӯзи ҷавонони Тоҷикистон (23 май) бо мақсади рушди сармояи инсонӣ таҳти унвони «Роҳҳо ва усулҳои ноил шудан ба муваффақияти касбӣ» баргузор мегардад.
Дар доираи он Фестивали касбҳо ташкил карда мешавад, ки дар он хоҳишмандон метавонанд бо намояндагони ширкатҳои давлатӣ, хусусӣ ва тиҷоратӣ оид ба ҷои кор, имтиёзҳои иҷтимоӣ, бастаҳо ва дигар шароитҳои фаъолият суҳбат кунанд.
Дар он барои аз даст надодани имкони дарёфти кор ва вохӯрии мустақим бо корфармо, шумо бояд дар сомонаи расмии www.joikor.tj сабти ном шавед. Хоҳишмандон метавонанд дар ин саҳифа ширкатҳои зиёдеро, ки ҷойҳои корӣ пешниҳод мекунанд, пайдо кунанд ва санаи мусоҳибаро дар доираи ин ҷашнвора муайян кунанд.
Дар ин бора ба АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
