Сердар Бердимуҳаммадов, раиси ҷумҳури Туркманистон, аз Эмомалӣ Раҳмон, раиси ҷумҳури Тоҷикистон даъват кард, ки дар вақти барояш мувофиқ ба кишвараш сафар кунад. Дар ин бора нашрияи расмии «Туркманистони бетараф» рӯзи панҷшанбе дар пайи натоиҷи музокироти як рӯз пеш раҳбарони ин кишварҳо дар Душанбе менависад.
Ба навиштаи нашрия, Раҳмон ин даъватро пазируфт. Санаи сафар тавассути каналҳои дипломатӣ мувофиқа карда мешавад.
Раисиҷумҳури Тоҷикистон ҳамчунин ёдовар шуд, ки моҳи майи соли 2022 раиси Маҷлиси миллии (палатаи болоии) Тоҷикистон Рустами Эмомалӣ нахустин сафари худ ба Туркманистон анҷом дода буд. Раҳмон таъкид кард, ки Тоҷикистон низ мунтазири сафари расмии Пешвои миллии мардуми туркман, раиси Шӯрои халқӣ Қурбонгулӣ Бердимуҳаммадов аст.
Сердар Бердимуҳаммадов рӯзҳои 10-11 май бо як сафари давлатӣ дар Тоҷикистон қарор дорад. Ин нахустин сафари давлатии раҳбари Туркманистон ба ин кишвар аст. Раҳмон ин сафарро рӯйдоди муҳимме дар 30-умин солгарди истиқрори равобити дипломатӣ миёни ду кишвар хонд.
АКС: аз манбаъҳои кушода
