Сердар Бердимуҳаммадов, раиси Ҷумҳури Туркманистон, ки бо як сафари давлатӣ вориди Ҷумҳури Тоҷикистон шудааст, дар Душанбе бо Эмомалӣ Раҳмон, раисиҷумҳури Тоҷикистон дидору гуфтугӯ кард.
Сарони давлатҳо зимни мулоқотҳо дар доираи танг ва дар ҳайати васеъ бо иштироки ҳайатҳои ҳукуматӣ масъалаҳои рушди ҳамкориҳои Туркманистону Тоҷикистонро дар бахшҳои сиёсӣ, дипломатӣ, тиҷоратию иқтисодӣ ва фарҳангӣ ва гуманитарӣ баррасӣ карданд.
Ҷонибҳо ба густариши ҳамкориҳо дар арсаи иқтисодӣ таваҷҷӯҳи хоса зоҳир карданд. Энергетика, саноат, нақлиёт, коммуникатсия ва кишоварзӣ аз ҷумлаи афзалиятҳо номида шуданд.
Масъалаҳои рушди шарикӣ дар соҳаи соҳибкории хусусӣ низ баррасӣ шуданд. Ҷонибҳо аз ҷумла бар зарурати роҳандозии робитаҳои мустақим миёни сохторҳои тиҷоратии Туркманистон ва Тоҷикистон таъкид карданд.
Дар натиҷаи музокироти туркману Тоҷикистон дар сатҳи олӣ як бастаи асноди дуҷониба ба имзо расид, ки ба густариши ҳамкориҳои ду кишвар дар самтҳои муҳим такони бахшидан пешбинӣ шудаанд.
АКС: аз манбаъҳои кушода
