Аз 29 апрел то 3 май дар шаҳри Панажӣ (Ҳиндустон) ҷаласаи Шӯрои ҳамоҳангсозони миллии кишварҳои узви Созмони ҳамкориҳои Шанхай баргузор гардид.
Дар ҷаласа ҳамоҳангсозони миллӣ ва намояндагони Тоҷикистон, Ҳиндустон, Қазоқистон, Чин, Қирғизистон, Покистон, Русия, Узбакистон, дабири СҲШ ва Кумитаи иҷроияи РАТС ширкат доштанд.
Иштирокчиёни ҷаласа ба масъалаҳои омодагӣ ба ҷаласаи Шӯрои вазирони корҳои хориҷии кишварҳои узви СҲШ, ки рӯзҳои 4-5 май дар шаҳри Панҷӣ баргузор мешаванд, тамаркуз карданд. Лоиҳаи ҳуҷҷатҳои асосии барои имзо ба Шӯрои вазирони корҳои хориҷӣ пешниҳодшуда баррасӣ ва мувофиқа карда шуданд.
Инчунин оид ба омодагӣ ба ҷаласаҳои Шӯрои сарони давлатҳо ва Шӯрои сарони ҳукуматҳои (сарвазирон) кишварҳои узви СҲШ ва дигар паҳлӯҳои фаъолияти Созмон табодули афкор сурат гирифт.
Дар ин бора ба АМИТ «Ховар» бо истинод ба котиботи СҲШ дар Пекин хабар медиҳад.
