Ҳадар Аднон, яке аз раҳбарони ҷунбиши ҷиҳоди исломии Фаластин, пас аз 86 рӯзи гуруснанишинӣ дар зиндони Исроил даргузашт. Дар ин бора газетаи Times of Israel менависад.
Гуфта мешавад, Аднани 45-сола ба унвони яке аз раҳбарони як созмони исломӣ, ки ҳадафаш аз тариқи ҷиҳод нобуд кардани Исроил аст, дар тӯли умраш 12 бор аз сӯи мақомоти Байтулмуқаддас боздошт ва дар маҷмӯъ 12 солро дар зиндон сипарӣ кардааст. Вай шаш маротиба гуруснанишинӣ эълон кард ва тӯлонитаринаш ба ҷуз гуруснанишинии охирин, 66 рӯз давом кард ва пас аз он раҳо шуд.
Фаластинӣ 5 феврали соли 2023 бори дигар боздошт шуд ва пас аз он фавран гуруснанишинӣ эълон кард. Рӯзҳои охир вазъи саломатии ӯ ба ҳолати вазнин афтод, аммо ӯ то ҳол аз ғизо ва ёрии тиббӣ даст кашид.
Рӯзи 1-уми май Аднонро дар ҳуҷраи худ дар ҳолати беҳушӣ пайдо карданд ва пас аз он ӯро ба бемористон бурданд, аммо эҳёи ӯ имкон надошт.
АКС: аз манбаъҳои кушода
