Дар мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муовини Сарвазири Ҷумҳурии Тоҷикистон, ки рӯзи панҷшанбе дар Душанбе баргузор гардид, лоиҳаҳои сармоягузорӣ, ҳамкорӣ дар соҳаи саноат, густариши тиҷорати дуҷониба баррасӣ шуданд. Вазир – сардори Вазорати саноат ва савдои Федератсияи Русия Денис Мантуров.
Гуфта мешавад, ки соҳаҳои истихроҷи маъдан, металлургӣ, коркарди нафт, саноати электротехникӣ, нассоҷӣ, хӯрокворӣ ва дорусозӣ, истеҳсоли масолеҳи сохтмонӣ ҳамчун самтҳои ояндадори ҳамкорӣ мавриди баррасӣ қарор гирифтанд. Ҷонибҳо ба аҳамияти таъсиси корхонаҳои муштарак дар соҳаи нассоҷӣ ҷиҳати ташкили як занҷири истеҳсолӣ, дурнамои ҷалби сармоя ва технологияҳои Русия барои рушди коркарди пахта, пӯст ва пашм дар Тоҷикистон ишора карданд.
Мантуров рӯзи чаҳоршанбе вориди Душанбе шуд ва дар он ҷо бо мақомоти баландпояи ҳукумати Тоҷикистон як силсила мулоқотҳо анҷом дод. Рӯзи панҷшанбе таҳти раёсати ӯ ҷаласаи XXI Комиссияи байнидавлатии ҳамкориҳои низомиву иқтисодии СПАД баргузор шуд.
Дар ин бора ТАСС бо такя ба дафтари матбуоти президенти Тоҷикистон хабар медиҳад.
АКС: Хадамоти матбуоти Президенти Тоҷикистон
