Ҳайати Тоҷикистон таҳти раёсати Азим Иброҳим, вазири нақлиёти Тоҷикистон барои ширкат дар ҷаласаи даҳуми вазирони нақлиёт ва дар ҷаласаи гурӯҳи коршиносони кишварҳои узви Созмони ҳамкориҳои Шанхай вориди Деҳлии Нав (Ҳиндустон) шуд.
Дар Деҳлии Нав 27 апрел ҷаласаи гурӯҳи кории коршиносони кишварҳои узви СҲШ оғоз шуд, ки дар он намояндагони кишварҳои узви СҲШ ширкат доштанд.
Дар ҷаласа лоиҳаи Консепсияи ҳамкориҳои кишварҳои узви СҲШ оид ба декарбонизатсия (кам кардани таъсири карбон ба муҳити зист) нақлиёт, пешбурди трансформатсияи рақамӣ ва технологияҳои инноватсионӣ барои ноил шудан ба самаранокӣ ва устувории баланд ба баррасӣ пешниҳод карда шуд.
Ҳадафҳои асосии таҳияи лоиҳаи Консепсия, пеш аз ҳама, кам кардани изофаи карбон дар таркиби сӯзишвории истифодашаванда, истифодаи технологияҳои алтернативии сӯзишвории нақлиётӣ, инчунин декарбонизатсияи нақлиёт бо мақсади коҳиш додани партовҳои воситаҳои нақлиёт то соли 2030 мебошанд. тавассути васеъ намудани истифодаи манбаъҳои тоза ва барқароршавандаи энергия.
Мусоидат ба табдилдиҳии рақамӣ дар нақлиёт бо мақсади ноил шудан ба истифодаи беҳтари технологияҳои инноватсионии ҷаҳонӣ ва таҷрибаи пешқадам низ яке аз ҳадафҳои дигари ин консепсия мебошад.
Ҳамчунин интизор меравад, ки ин тарҳи консепсия пас аз баррасии гурӯҳи кории коршиносон барои баррасӣ ва тасвиб ба ҷаласаи вазирони нақлиёти кишварҳои узви СҲШ, ки қарор аст рӯзи 28 апрел баргузор шавад, пешниҳод шавад.
АМИТ «Ховар» истинод ба маркази матбуотии вазорат хабар медиҳад.
Дар сурат: Вазорати наклиёти Чумхурии Точикистон
