Бар асоси матлаби Bloomberg, изҳороти сафири Чин дар Фаронса дар бораи Қрим барои раисиҷумҳури Фаронса Эммануэл Макрон «души сард» будааст.
Пештар сафири Чин дар Фаронса Лю Шае гуфта буд, ки Қрим аслан Русия аст. Дипломати чинӣ ҳангоми суханронӣ дар телевизиони Фаронса чунин изҳорот дод. Сафир дар посух ба суоли он ки Қрим ба Украина тааллуқ дорад, бидуни тафсилот посух дод, ки нимҷазира «аслан Русия аст».
«Изҳороти сафири Чин дар Фаронса мисли души сард барои Макрон садо дод, ки мехост Пекинро ба муомила бо Украина маҷбур кунад», — менависад муаллифи макола.
Тавре зикр гардид, акнун барои Макрон умед ба кумаки Чин дар ҳалли бӯҳрони Украина хеле душвор хоҳад буд.
Лю Шае гайр аз изхорот оид ба Крим, инчунин дар бораи сохибихтиёрии бахсталаби чумхурихои собики СССР сухан ронд. Ба гуфтаи ӯ, дар ҳуқуқи байналмилалӣ кишварҳои Иттиҳоди Шӯравии собиқ мақоми эътибор надоранд, зеро ягон созишномаи байналмилалӣ вуҷуд надорад, ки мақоми онҳоро ҳамчун кишвари соҳибихтиёр амалӣ созад.
Пас аз чунин мусоҳиба бо як дипломати чинӣ тақрибан 80 вакили парлумон аз вазири хориҷаи Фаронса хостаанд, ки ӯро аз кишвар ихроҷ кунад.
АКС: аз манбаъҳои кушода
