Моҳи май дар Душанбе мизбони 5-умин Конфронси Осиёи Марказӣ оид ба тағирёбии иқлим баргузор мешавад.
Дар конфронс масъалаҳои тағйири иқлим ва коҳиши тағйири иқлим, мутобиқшавӣ ба он дар соҳаҳое чун об, энергетика, ғизо ва муҳити зист баррасӣ мешавад.
Ҳалли маҷмӯии ин масъалаҳо метавонад барои ояндаи минтақаи Осиёи Марказӣ ҳам аз нигоҳи устувории экологӣ ва иқлим ва ҳам аз ҷиҳати рушди иқтисодӣ ва демографӣ аҳамияти бузург дошта бошад. Обшавии пиряхҳо, хушксолӣ, офатҳои табиӣ барои мутобиқ шудан ба тағирёбии иқлим ва идоракунии устувори об чораҳои фаврӣ талаб мекунанд.
Тоҷикистон дар чунин ташаббусҳои ҷаҳонӣ, аз қабили Даҳсолаи байналмилалии амал «Об барои ҳаёт» (2005-2015) ва «Об барои рушди устувор» (2018-2028) пешсаф аст.
Президенти Ҷумҳурии Тоҷикистон Эмомалӣ Раҳмон дар маросими кушодашавии конференция СММ оид ба баррасии миёнамӯҳлати ҳамаҷонибаи ҳадафҳои Даҳсолаи байналмилалии амал «Об барои рушди устувор, солҳои 2018-2028» қайд карда шуд: «Захираҳои об имрӯз таҳти таъсири ҷиддии чолишҳо ва таҳдидҳои гуногун қарор доранд, ки ба тамоми соҳаҳои ҳаёти мардум таъсир мерасонанд, махсусан амнияти озуқаворӣ, истеҳсоли энергияи «сабз» ва устувории табиат. Дар ин силсила, тагйирёбии иклим хамчун омили таъсиргузор ба захирахои оби ошомидани низ дар маркази тавачўхи мо карор дорад. Дар давоми панҷ даҳсолаи охир таъминоти об ба ҳар сари аҳолӣ дар ҷаҳон қариб дувуним баробар ва дар баъзе минтақаҳои ҷаҳон, аз ҷумла дар Осиёи Марказӣ беш аз чор маротиба кам шудааст».
Дар ин бора ба АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон хабар дод.
АКС: Кумитаи хифзи мухити зисти назди Хукумати Чумхурии Точикистон
