Роҳбарияти Вазорати рушди иқтисод ва савдои Тоҷикистон ва иштирокчиени нахустин мулоқоти вазироне, ки масъули фаъолияти иқтисодии хориҷӣ ва тиҷорати хориҷии «Чин ва Кишварҳои Осиеи Марказӣ» мебошанд, рӯзи 18 апрел таъсиси корхонаҳои истеҳсоли мошинҳои барқиро дар Тоҷикистон баррасӣ карданд
Ҷаласа ба ҷустуҷӯи имкониятҳо барои ҳавасмандгардонии ҳамкории дуҷониба ва бисерҷониба, афзоиши гардиши савдои хориҷӣ, ҷалби сармоя, таъсиси корхонаҳои муштарак равона карда шуд.
Ҳамчунин зикр гардид, ки Тоҷикистон ба таҳкими ҳамкориҳои гуногунҷанба бо Чин ва кишварҳои Осиеи Марказӣ аҳамияти махсус медиҳад.
Ҷумҳурии Мардумии Чин яке аз шарикони асосии тиҷоратӣ ва яке аз сармоягузорони бузургтарин барои бисер кишварҳои Осиеи Марказӣ, аз ҷумла Ҷумҳурии Тоҷикистон гардид.
Дар вохӯрӣ оид ба рушди ҳамкорӣ дар соҳаҳои савдо, иқтисод, савдои рақамӣ, сармоягузорӣ, рушди нақлиет ва логистика, сохтмони роҳҳои автомобилӣ ва роҳи оҳан пешниҳодҳои мушаххас пешниҳод карда шуданд.
АМИТ «Ховар» истинод ба маркази матбуотии вазорат хабар медиҳад.
АКС: аз манбаъҳои кушода
