Чин аз хоҳиши Аврупо барои музокироти сулҳ миёни Русия ва Украина пуштибонӣ мекунад. Дар ин бора рӯзи 19 апрел сухангӯи вазорати хориҷаи Чин Ван Венбин хабар дод.
«Хитой тарафи Европаро, ки манфиатхои асосй ва дарозмуддати худро ба рохбарй гирифта, кушиш мекунад, ки гуфтушуниди сулхро зудтар аз нав cap кунад.», — гуфт у дар брифинг.
Ҳамин тавр, вай ба маълумоти Bloomberg вокуниш нишон дод, ки президенти Фаронса Эммануэл Макрон ният дорад бо Чин дар нақшаи музокироти сулҳи Русия ва Украина ҳамкорӣ кунад.
Цин Ганг, вазири умури хориҷаи Чин рӯзи 13 апрел дар дидор бо ҳамтои русаш Сергей Лавров гуфт, ки шароити музокироти сулҳ дар бораи Украинаро бояд худи тарафҳои даргир фароҳам кунанд. Ҳамзамон вай таъкид кард, ки Пекин ба ҳалли сиёсии низоъ ва азсаргирии музокироти сулҳи Маскаву Киев идома медиҳад.
АКС: аз манбаъҳои кушода
