Ба Маркази назорати давлатии санитарӣ-эпидемиологии вилояти мухтори Кӯҳистони-Бадахшон бо ташаббуси Ҳукумати Ҷумҳурии Тоҷикистон ва бо мақсади баланд бардоштани сатҳи хизматрасонӣ ба аҳолӣ дар соҳаи тандурустӣ таҷҳизоти мобилии санитарӣ-эпидемиологӣ ба маблағи 497 ҳазор доллар расонида шуд.
Роҳбарияти вилоят зимни қабули таҷҳизот таъкид намуд, ки соҳаи тандурустӣ яке аз соҳаҳои афзалиятноки ҷумҳурӣ буда, таҳти таваҷҷуҳи доимии давлату Ҳукумати мамлакат қарор дорад.
Таҷҳизоти мобилии санитарӣ-эпидемиологӣ, ки ба ВМКБ омадааст, аз ғамхории Пешвои миллат Муҳтарам Эмомалӣ Раҳмон нисбат ба сокинони он шаҳодат медиҳад.
Бо ерии таҷҳизоти муосири тиббӣ ба шахсони масъул супориш дода мешавад, ки сатҳу сифати хизматрасонии аҳолиро дар ноҳияҳои дурдасти вилоят баланд бардоранд ва дар ҳифзи саломатии ҷомеа саҳм гузоранд.
НИАТ «Ховар» бо истинод ба мақомоти Иҷроияи ҳокимияти давлатии вилоят хабар медиҳад.
Сурат: Мақомоти иҷроияи ҳокимияти давлатии ВМКБ
