Вазири тандурустии иёлати Бавария Клаус Холечек нақшаҳои ҳукумати Олмонро дар бораи қонунӣ кардани гардиши каннабис дар кишвар шадидан маҳкум кард. Сиёсатмадор муроҷиати дахлдорро дар Twitter нашр кардааст.
Вай гуфт, иҷозаи истифодаи маводи мухаддир метавонад на танҳо барои сокинони Олмон хатарнок бошад, балки хатари ба як кишвари ҷаҳонгардии маводи мухаддир табдил ёфтани Олмонро низ дорад.
«Конун ва ахлок талаб мекунад, ки давлат савдогар набошад», — гуфт сиёсатмадор.
Вай таъкид кард, ки қонунигардонӣ махсусан барои кӯдакон хатарнок аст.
Рӯзи 12 апрел вазири тандурустии Олмон Карл Лаутербах ва вазири кишоварзӣ Ҷем Оздемир нақшаи қонунигардонии каннабис дар Олмонро пешниҳод карданд, ки пас аз машваратҳо бо Комиссияи Аврупо ислоҳ карда шуд.
