Шаҳри Саппорои Ҷопон метавонад дархости мизбонии Бозиҳои зимистонаи олимпиро аз соли 2030 то соли 2034 ба таъхир гузорад. Ба гузориши хабаргузории Франс Пресс рӯзи 11 апрел бо истинод ба изҳороти раиси кумитаи тадорукот Ясухиро Ямашита, ин ба ҷанҷоли коррупсионӣ, ки дар ҷараёни баргузории Бозиҳои тобистонаи Токио-2020/21 ба вуҷуд омадааст, вобаста аст.
Тафтишот нишон дод, ки ҳангоми ташкили мусобиқаҳои санҷишӣ пеш аз Олимпиадаи соли 2020, эҳтимол дорад, аз ҷониби ширкати таблиғотии ADK Holdings, ки дар парвандаи фасод дар кумитаи тадорукоти бозиҳо тафтиш мешавад, созиш сурат гирифта бошад. Муайян карда шуд, ки ширкат ҳангоми муайян кардани ғолибони озмун барои гузаронидани озмун интихоби ноодилона гузаронидааст. Моҳи декабри соли 2022 мақомоти Саппоро дархости худро барои баргузории Олимпиадаи соли 2030 боздоштанд.
Як назарсанҷии шаҳрвандони Ҷопон нишон дод, ки аксари онҳо мухолифи муаррифии пойтахти олимпии Саппоро ҳастанд, ки қаблан мизбони Бозиҳои зимистонаи олимпии соли 1972 буд.
Маълум аст, ки шаҳрҳои Ванкувер ва Уистлери Канада ва Солт-Лейк-Ситии Амрико низ ба мизбонии Бозиҳои зимистонаи олимпии соли 2030 таваҷҷӯҳ доштанд. Аммо баъдтар Канада аз пешниҳоди худ даст кашид.
АКС: аз манбаъҳои кушода
