Мавлуд Чавушоғлу, вазири умури хориҷаи Туркия рӯзи душанбеи 10 апрел дар мусоҳиба бо шабакаи телевизионии Ahaber гуфт, мулоқоти вазирони умури хориҷаи Русия, Сурия, Эрон ва Туркия дар авоили моҳи май дар назар аст.
Маълум аст, ки мулокоти чортарафа дар Москва барпо мегардад. Санаи дақиқи он ҳанӯз эълон нашудааст, аммо дар бораи ҷой ва вақти он аз ҷониби Русия маълумот дода шудааст.
Вазири хориҷаи Туркия ҳамчунин таъкид кард, ки мулоқот бо ҳамтои русаш Сергей Лавров дар сӯҳбати охирини рӯзи 29 март баррасӣ шудааст. Гуфта мешавад, ки музокироти чаҳорҷониба ба раванди ҳалли низоъ дар Сурия бахшида мешавад.
«Ҳадаф аз ин муколама, аввалан, эҳёи раванди сиёсӣ аст, ки то ҳол натиҷае надодааст. Дар формати Остона, аз қабили комиссияи конститутсионӣ баъзе иқдомҳо андешида шуданд. Бо вуҷуди ин, мо то ҳол ягон натиҷа надорем.», — гуфт Чавушоглу.
АКС: аз манбаъҳои кушода
