Дирӯз, 10 апрел дар Маҷмааи тандурустии «Истиқлол»-и шаҳри Душанбе маросими ба ихтиёри Вазорати тандурустӣ ва ҳифзи иҷтимоии аҳолии Ҷумҳурии Тоҷикистон додани 5 озмоишгоҳи сайёри санитарию эпидемиологӣ баргузор гардид.
Интиқоли лабораторияҳои сайёр дар доираи лоиҳаи ташхиси мобилии COVID-19 ташкил карда шуд. Дар маросими тантанавӣ роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иштирок доштанд.
Ҳамчунин зикр мегардад, ки лоиҳа дар доираи Созишномаи грантии Хазинаи Субот ва Рушди Авруосиё барои маблағгузории лоиҳаи ташхиси мобилии COVID-19, ки 8 октябри соли 2021 ба имзо расида буд, амалӣ карда мешавад.
Дар доираи лоиҳа озмоишгоҳҳои санитарию эпидемиологии дорои сатҳи бехатарии биологӣ, инчунин системаҳои тестӣ барои ташкили корҳо оид ба ташхиси COVID-19 харидорӣ карда шуданд.
Дар татбиқи лоиҳаи мазкур Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати молияи Ҷумҳурии Тоҷикистон иштирок намуда, вазифаҳои гурӯҳи татбиқи лоиҳа ба зиммаи Бунёди Русия «СПИД Инфосвязь» гузошта шуд.
Дар ин бора ба АМИТ «Ховар» бо истинод ба Маркази матбуоти вазорат хабар медиҳад.
АКС: Вазорати нигахдории тандурустии Ҷумҳурии Тоҷикистон
