Вазири тандурустии Бритониё Стивен Баркли кормандони хурди тиббии бемористонҳои Бритониёро ба «мавқеи ҷангҷӯёна» муттаҳам кард, менависад Sky News. Баркли қайд кард, ки корпартоии чоррӯзаи онҳо ба нақша гирифташуда барои расонидани зарари ҳадди аксар ба беморон пешбинӣ шудааст.
Корпартоии кормандони хурди тиббӣ аз 11 апрел то 15 апрел идома хоҳад кард, менависад Sky News. Сабаби корпартоӣ баҳсҳои музди меҳнат аст. Тахмин меравад, ки аз сабаби корпартоӣ тақрибан 250 000 муоина ва ҷарроҳӣ бояд ба таъхир гузошта шавад. Профессор Стивен Пауис таъкид кард, ки вазъият аз он сабаб мураккаб аст, ки корпартой фавран баъди таътили чорруза огоз меёбад. Дар натиҷа, беморхонаҳои Бритониё бояд бо тақрибан нисфи кормандони муқаррарии худ то 100 соат кор кунанд.
Тибқи иттилои Sky News, ҳолатҳои фавқулодда барои беморхонаҳо ва инчунин ҳама чизҳои марбут ба кӯдакони навзод авлавият хоҳанд дошт. Дар ҳамин ҳол, Ассотсиатсияи тиббии Бритониё аз Вазорати тандурустӣ талаб мекунад, ки масъалаи маоши ҳамшираҳои шафқатро ҳал кунад ва мегӯяд, ки даромади воқеии онҳо 25% коҳиш ёфтааст. Ин иттиҳодия гуфтааст, ки бо пешниҳоди муносиб аз корпартоӣ метавон пешгирӣ кард, аммо вазорат исрор кардааст, ки иттиҳодия бояд пеш аз музокирот корпартоиро қатъ кунад.
АКС: аз манбаъҳои кушода
