Бахшида ба 35 солагии Истиқлолияти давлатии Ҷумҳурии Тоҷикистон дар маҳаллаи Боғи ҷамоати деҳоти Палдораки ноҳияи Мастчо бинои нави мактаби дуошёна сохта мешавад.
Тибқи нақшаи тасдиқшуда мактаби нав, ки барои беш аз 100 хонанда дар як баст пешбинӣ шудааст, аз 5 синф ва 2 синфхонаи омӯзгорон иборат хоҳад буд. Тахкурсии мактаб соли 2020 гузошта шуда буд.
Бинои мактаб бо дастгирии соҳибкорони маҳаллӣ ва Мақомоти иҷроияи ҳокимияти давлатии ноҳияи Мастчо бо усули ҳашар сохта мешавад.
Роҳбарияти ноҳия бо рафти корҳои омодагӣ ба сохтмони мактаб шинос шуда, бо сокинони маҳалла ва соҳибкорон суҳбат орост. Таъкид шуд, ки бинои мактаб бояд сари вакт ва бо сифати баланд сохта ба истифода дода шавад.
Худой махаллаи навбуньёд буда, кариб 2000 нафар ахолй дорад.
Дар ин бора АМИТ «Ховар» бо истинод ба дафтари матбуоти раиси ноҳияи Мастчо хабар медиҳад.
Сурат: хадамоти матбуоти раиси ноҳияи Мастчо
