Дирӯз, 7-уми апрел дар шаҳри Алмаатои Қазоқистон Чемпионати кушоди Осиё байни наврасон оид ба ALMATY ASIAN CADET CUP оғоз шуд. Дар рӯзи аввали мусобиқаи варзишӣ дзюдочиёни навраси тоҷик се медал ба даст оварданд,
Ба иттилои манбаъ, дар рӯзи аввали мусобиқа 3 нафар дзюдочиёни навраси тоҷик Лоиқ Қутбудинов (55 кг), Ворис Назаров (66 кг) ва Аминҷон Абдуҷалилзода (73 кг) медалҳои биринҷӣ гирифтанд.
Имрӯз дзюдочиёни дигари тоҷик дар вазнҳои -81, -90 ва +90 кг ҳунарнамоӣ мекунанд.
Ёдовар мешавем, ки 13 дзюдочии тоҷик барои ширкат дар Чемпионати кушоди Осиё байни наврасону ҷавонон, ки аз 7 то 9 апрел идома хоҳад кард, фиристода шуданд.
Дар ин бора АМИТ «Ховар» бо истинод ба Федератсияи дзюдои Тоҷикистон хабар дод.
Акс: Федератсияи дзюдои Тоҷикистон
